‘n Jaar of wat terug het ek by ‘n plek vol donker wolke, weerlig en donderweer gewerk. Daar het ‘n jong meisie begin werk. Sy het na ‘n maand of twee besef dat die weerlig haar en haar huisgesin te hard slaan. Die res van ons het dit ook gevoel. Party meer as ander. Terwyl ander salig onbewus was dat die storm ‘n tornado in hul eie huis sou bring.

Ek het haar gevra, “het jy ‘n ander werk?”, terwyl sy haar lessenaar vir oulaas opgepak het. “Nee.” “Julle het pas ‘n huis gekoop…” het ek gesê. “My man het erken hy is ongelukkig vandat ek hier werk. Ek ook. Hierdie job vernietig ons. Werk is volop – ek het net een man.”

“Wat gaan jy nou doen?” Baie ernstig het sy gesê, “Nou? Ek gaan blommetjies in my nuwe tuin plant, die laaste bokse uitpak en vir my man ‘n lekker bord kos kook”.

Wyse egpaar.

Wees altyd eerlik met jou maat. As iets of iemand jul sekuriteit bedreig, erken dit. Sny dit uit jul lewe uit. Plant blommetjies.

Mag jou ego nooit groter as liefde word nie.

Emma

Jy gaan gemis word!

My wens vir jou is om weer gelukkig te wees!
Sterkte Emma Dixon!!!!

Die seer is so ontsettend duidelik in jou woorde. So duidelik dat self iemand soos ek dit in my hart kan voel. Ek wens ek kon woorde op jou skerm skryf wat jou seer kan wegvat, maar ek weet nie hoe nie. Maar soos jy se^ God weet wat hy met jou doen.

Jy skryf verskriklik goed en al voel jy miskien dat jou woorde nie vir jou help nie dink ek tog dit spreek tot ander mense wat dit lees. So moenie ophou om dit te skryf nie. Dis dalk wat God wil he jy moet doen.

Jy gaan gemis word.
Mag jy volkome heel word.
Jy toor met woorde, ek hoop om jou weer raak te lees.

Allerbeste wense.

Ek verstaan jou wegdraai van die seer, dit wat jy wil agter die rug kry. Dit vat tyd en vasbyt. Die tye soos vandag gaan dit jou oorweldig maar as jy wegbreek gaan jy nog langer vat om anderkant nuut uit tekom. Tyd laat dinge vervaag dit heel en herstel niks.

Net vasbyt en deur dit werk al voel dit soms of die monster van seerwees jou gaan verwoes en insluk, hy kan nie al wil hy, jy is deur jou Maker sterker as enige seer. Onthou jy is nooit allen daarbinne in die maalkol van jou seer nie, maar jy kom anderkant uit as oorwinnaar.

Groete en sterkte

PS Jy sal sien deur die Braaf in Sy hande te sit sal Hy jou weer help om Heel te wees. Wees Braaf en word Heel.

ek het jou opgeskeur
maar
die flenters waai terug in my gesig
ek het jou verbrand
maar
die as waai terug in my gesig

ek het jou vergeet
die onthou waai terug in my gesig

-Stephan Bouwer

Maar wanneer mens voel dit doen jou nie goed nie, moet jy aanbeweeg.

Mag jy vrede kry. Liefde raaksien. Geluk ervaar. Ophou toelaat dat die verkeerde mense met jou gebeur. En leer dat tweekeer se seerkry nie driekeer se verdriet is nie.

Gaan jou wel Emma Dixon. En onthou van die ou skoene wat jy uitgeskop het!

((((ED))))